(以下是別緻BEE代筆，因為阿婆上呢幾日，一如往年呢種日子，係唔駛旨意上到網。)
話說；唔經唔覺，阿婆已經係大陸住咗有八、九年喇。
日常生活已經好習慣，但係有一樣野，無論睇多幾多次，都係唔可能習慣，只會越睇越唔慣。
究竟係咩事令到阿婆咁唔慣呢；無錯！就係玻璃屎塌。
咁究竟玻璃屎塌會係邊度出現？點樣會出現呢？又點樣令到阿婆咁不安呢……就等迷人女郎阿Bee同你地揭開呢個——謎……
阿婆之前萬金豪宅擲，個度已經有一個玻璃屎塌。於是阿婆絞盡腦汁，先係依家加屍搵到幾塊鏡遮住佢，因為佢唔想人地係個廳，都隱隱約約見到佢出浴個木桶身裁。
呢期佢四出搵新宅，越睇越多，統統都係玻璃屎塌，於是佢就打畀……
Bee：「Hello, I am the Queen Bee, the Majesty of Mystery。」
阿婆：「我實在唔明，點解硬係要有個玻璃屎塌！」
Bee：「Oh my God, 玻璃？咁咪人人都睇到你係度小解定大解囉？咁你平時解唔解到呀？」
阿婆： 「一有人係間屋，就睇到你個身影，係個屎塌度郁來郁去，點解到呀！」
Bee：「Oh my God! 咁呢個謎我地解唔到架啦，咁你有咩結論丫？」
阿婆：「我地同胞係好唔識尊重解手個私隱囉！最鬼憎呢啲玻璃屎塌，激鬼死我！」
