尋日,海角七號慈善首映,我照例又係冇崗位,凈係行行企企,幫長工買魚柳包,幫義工買香口膠。
不過當福幼其中一位創辦人嚟到而原來企門口嘅義工唔知道佢係邊位,我就發揮咗我呢個老字號嘅作用同佢相認,介紹畀其他朋友,原來呢位朋友領養嘅女女已經係Simon Fraser嘅一年級學生!
報到之前剛剛樓下見到至矮,打完招呼覺得佢好似又矮咗!
同場加映任Da華嚟到但係我地嘅贊助係另外一個品牌嘅手表,嗱嗱聲扯福幼個易拉架出嚟唔好嘥我個影帝!
跟住連出爐視后米記都嚟埋,錦上添花!
重有好多我唔係好認得嘅上緊位女藝人,哈...凈係認得整容妹同埋個Mandy同身材好勁姓趙嘅女仔,哦....重有子維同連凱個經理人好耐冇見!
最估唔到係A B ...
竟然連梁愛C都嚟咗,畀我近距離見到佢個髮型!
Bee - 海角七號首影
我老婆鬧我
